www.boerefort.co.za

 

Spogblad

 

DANCE WARZ

Chloe Troskie het 3 en 4 November deelgeneem aan Dance Warz en uitstekend gevaar!

Lyrical         - Goud

Akrobaat      - Silwer

Jazz            - Goud

Sy ontvang ook SPESIALE TOEKENNINGS vir haar kostuum en soepelheid.

 

 

DANCE ADDICTION SA CHAMPS

 

Baie geluk aan Chloe Troskie met haar besondere prestasies tydens die Dance Addiction SA Championships:

 

Akrobaat        Ultimate gold

Lyric              Goud

Modern          Goud

 

 

SA DANCE SCHOOL CHAMPIONSHIPS

 

Cara Howle het ‘n goue medalje ontvang tydens haar deelname aan Tap by die Sa School Dance Championships.

 

Venithe het ‘n goue medalje ontvang tydens haar deelname by die Sa School Dance Championships.

 

AKROBATE HOU DIE BOERIE-NAAM HOOG


Baie geluk aan ons 3 akrobate wat deelgeneem het aan die Suid-Afrikaanse kampioenskappe – (van links na regs) Simoné Swart (1ste plek), Zandra Janssen en Zandri Allen.

 

RINGBALSPELERS GAAN SA’s TOE



Baie sterkte aan Mark Minnaar, Graad 6, en Ettiene van Greunen, Graad 7. Dié twee jong manne gaan deelneem aan die Suid-Afrikaanse Ringbal Kampioenskappe wat plaasvind 17 tot 22 Julie. Ons beste wense vergesel julle!

 

BLOU BULLE C-BOND WENNERS

 

Baie geluk aan ons o/9 Rugbyseuns.  Hulle is die wenners van die Blou Bul Liga C-bond.  Baie dankie aan elke ouer vir die getroue ondersteuning, elke speler wat sy beste gegee het en Mnr Lukas Keet wat die span afgerig het!

 

LUAN BULLETJIE SPELER 2017

 

 

Luan Gertenbach, Graad 1, het sy 0/7 Bulletjie 2017-seisoen op n hoë noot afgesluit deur 10 welverdiende drieë te druk in 2 wedstryde. Hy het ook die toekening vir die Beste Speler vir Jaar 2017 gekry. Hy het altesaam 75 driee vir die seisoen gedruk!  Mooi so Luan!

 

 

MIA DANS KROASIë AAN DIE BRAND

 

Mia Lundt, Graad 5 – voor-middel, het saam met haar dansgroep (Michelle Leibrandt School of Dance) besonders goed gevaar tydens die Dance Star World Masters kompetisie wat plaas gevind het te Kroasië gedurende Mei-maand.   

Haar dansgroep het Suid-Afrika verteenwoordig en kom 2de in die kompetisie.  Haar Jazz-groep kom 1ste in hul kategorie en die dansskool stap weg met 18 toekennings.

 

Knap gedaan Mia!  Ons het jou gesiggie gemis by die skool en is bly jy is veilig terug!   Ons vertrou dat hierdie ervaring jou lewe lank jou sal by bly en dat jy sal aanhou om so hard te oefen en te geniet wat jy doen!

 

ONS EIE BLOU BUL

 

Baie geluk aan Marnus Keet, Graad 6, wat verkies is tot die o/12 15-Tal Blou Bulspan!  Ons harte loop oor van trots!

 

AKROBATE DRING DEUR NA GAUTENG-NOORD

 

 

Die volgende drie dogters dring deur na die Gauteng Noord-kampioenskappe wat plaasvind vroeg in Mei 2017.

Van links na regs:  Simoné Swart, Zandri Allen en Zandra Janssen.

Baie sterkte aan elkeen van julle en dankie dat julle ons skool se naam hoog hou!

 

DISTRIK RUGBYSPAN

 

Baie geluk aan Ryan Scott en Marnus Keet wat verkies is tot die o/12 Distrik Rugbyspan.  Hulle neem deel aan die Blou Bul proewe wat plaasvind op 6 Mei! Ons is baie trots op julle!

 

DAMEAN VEROWER GOUD IN STOEI

 

 

Damean Roos, Graad 3, het tydens die Frank Joubert Ope Stoei Toernooi wat plaasgevind het in Maart ‘n goue medalje verower.  Wat ‘n staatmaker – hou so aan!

 

GAUTENG KARATE SPELE

 

 

Juan Groenewald, Graad 6, het 10 April deelgeneem aan die Gauteng Karate Spele waar hy 2 goue medaljes verower het in sy verskeie afdelings.  Wat ‘n voorreg om te kan spog met hierdie talentvolle seun!

 

VICTRIX LUDORUM

 

 

Baie geluk aan Heliné Minnaar, Graad 4, wat aangewys is as die Victrix Ludorum tydens die Cluster-byeenkoms wat plaasgevind het op 1 Februarie te Hoërskool Wonderboom.

 

DISTRIKSPROEWE

 

Die volgende dogters het deurgedring na die Distriks Netbal-proewe wat onderskeidelik plaasgevind het op 9 en 10 Maart 2017.  Ons is baie trots op elkeen van hulle!

o/13

Cheyanne Trollip, Simoné Swart en Elmari van der Walt

 

o/12

Chené Pretorius en Saskia Liebenberg

 

HONEURSFUNKSIE

 

 

Hierdie 4 Boeries het ‘n atletiek Honeursfunksie bygewoon en sertifikate ontvang ter viering van hul deelname aan die Gauteng-Noord kampioenskappe. Baie geluk aan Reinardt Herbst, Nandus Smith, Tshego Mahlangu en Heliné Minnaar.

 

DISTRIKSKAMPIOENSKAPPE

 

 

Baie geluk aan die volgende atlete wat deurgedring het na die Distrikskampioenskappe te Pilditch, 20 Februarie 2017:
Voor vlnr:  Enrico la Vita, Nandus Smith, Dian Marais

Middel vlnr: Reinardt Herbst, Marnus Keet, Cheyanne Trollip, Charné Barwise

Agter vlnr:  Tshego Mahlangu, Heliné Minnaar asook Nathan du Preez en Anrike Kruger

Ons is baie trots op julle!

 

 

MIA DANS LANDUIT

 

 

 

Mia Lundt, ‘n graad 5, is een van 18 dansers van Michelle Leibrandt School of Dance wat gekwalifiseer het om aan die gesogte Dancestar Finals en World Dance Masters te Kroasië te gaan deelneem. Danskole van regoor die land het in 2016 deelgeneem aan die Dancestar uitdun rondtes waar internasionale beoordeellaars moes beslis wie die Suid-Afrikaanse span gaan uitmaak.

 

Mia gaan aan twee items deelneem in Kroasië, ‘n Jazz groep en ‘n Showdance solo.

 

Die kompetisies vind plaas in Porec, Kroasië vanaf 22 tot 28 Mei 2017.

Daar is 55 lande wat deelneem, dit sluit in Amerika, Spanje, Slovakia, Australie, Rusland, Hongarye, Bulgaria, Portugal, Austria, Romania en nog vele meer.

 

 

Michelle Leibrandt School of Dance skryf die volgende:  “Ons is trots om Mia een van ons dansers te noem. Haar dissipline en harde werk kom gepaard met passie en ‘n positiewe gesindheid. Dit verg ure en ure se oefen, elke naweek, baie sweet en baie bloukolle, maar sy doen dit altyd met die grootste glimlag. Ons sien uit na die finaal en wat Mia daar gaan vermag.”