Sport

Ons skool bied ‘n wye verskeidenheid aktiwiteite aan. Die beoefening van sport is ‘n belangrike ontwikkelings- hulpmiddel in die gebalanseerde vorming van die kind. ‘n Kind se keuse van aktiwiteite moet sodanig wees dat hy/sy genoeg tyd sal hê om te speel. Speel is ‘n onontbeerlike deel van sy/haar ontwikkelingsproses.

GEBOORTEDATUMS VIR

DEELNAME IN 2025

0/6 = 2019 0/7 = 2018 0/8 = 2017 0/9 = 2016 0/10 = 2015 0/11 = 2014 0/12 = 2013 0/13 = 2012 0/14 = 2011

SPORTDRAG

Die kinders doen KDA tydens skooltyd ook in hierdie drag. Uitrusters: Silver Cross: 012 546 6525 (Atletiek- en gholfhempie) Totiusdal Handelshuis: 012 332 0016 (Atletiekhempie)

Ons bied die volgende aan:

• Atletiek: Dit vind gedurende die 1ste kwartaal plaas. Die 0/7 atlete neem slegs aan die 60m naellope deel. Vanaf 0/10 neem atlete aan velditems deel. • Middelafstande: Vanaf 0/10 tot 0/13 neem deel aan 1 200m. Daar moet baie vroeg met fiksheid hiervoor begin word. • Netbal: Dit begin na afloop van atletiek. Dogters vanaf 0/10 neem deel aan ligas. • Mini-Netbal 0/7 en 0/9 doen balvaardigheid en voetoefeninge. • Madeliefie Netbal - 0/6 doen balvaardigheid en voetoefeninge. • Rugby: Die rugby begin ook na die atletiekseisoen. Seuns vanaf 0/9 neem deel. Ons het gewoonlik 0/9, 0/10, 0/11, 1ste en ‘n 2de span. • Bulletjie-Rugby: Vir die jonger seuns 0/6 – 0/8. • Tennis: Hierdie sport is in die 3de kwartaal op Maandae en Woensdae. Liga wedstryde gewoonlik op Maandae. • Krieket: Dit begin na afloop van die rugbyseisoen. Daar word gewoonlik 5 spanne gekies vanaf 0/9 tot die 1ste span. Ligas word in die 3de kwartaal gespeel. • KFC Krieket vir 0/6 – 0/8: Oefeninge en wedstryde vind plaas gedurende die 3de kwartaal. • Hokkie: Daar is in 2016 begin met oefenspanne vanaf 0/10 om vaardighede aan te leer. • Redenaarsaande: Leerders vanaf Gr 1 kry die geleentheid om hieraan deel te neem. Redevoering is ‘n vaardigheid wat ons regdeur ons lewe benut. Elke kind moet deelneem aan ‘n klaspraatjie/toespraak wat vir punte tel. Die kinders wat werklik met gemak voor die klas gesels word gekies vir dié aande in die 3de kwartaal. Erkenning word wel gegee tydens meriete toekennings. • Konsert/Kersspel: Ons hou elke tweede jaar ‘n pragtige skoolkonsert. Die alternatiewe jaar vind daar ‘n puik Kersspel plaas. • Skaak: Ons poog om jaarliks ‘n skaakspan in te skryf. Afrigting word aangebied. • Gholf: Afrigting word aangebied deur Mnr Keet vir alle belangstellende spelers. Daar word ook liga gespeel.